Temia

Tapadennoù-skramm

Krouiñ fakturennoù en un taol

Gant ar program «Krouer fakturennoù» eo aet ar stourm gant ar furmadiñ unton da istor. Implijit hepken hon teulioù furmadet dija hag ouzhpennit degemerer ar fakturenn hag elfennoù ar fakturenn hepken. Evit an holl fakturennoù all e c'hallit adimplijout ar roadennoù-se zoken - un amzer gounezet evit gwir, hag a dalv ar boan!

Krouiñ ha treuzfurmiñ teulioù

Hor program a bourchas deoc'h fakturennoù furmadet dija, met ivez patromoù evit kinnigoù, kadarnadurioù urzhiadennoù, urzhiadennoù prenañ, lizhiri kenwerzh, notennoù ha follennoù degas. Krouit hoc'h teul deoc'h ha treuzfurmit anezhañ en ur fakturenn gant un nebeud klikoù hepken. An holl deulioù a c'hall bezañ eilet pe implijet evel patromoù ivez.

Merañ ar pratikoù - Sur hag eeun

Evel-se e vo merañ ho pratikoù ken aes ha tra! An holl ditouroù enlakaet ur wech a vo enrollet er reizhiad hag a c'hallo bezañ adc'halvet aes hag adimplijet meur a wech. Gallout a rit implijout an hollad eus ar merañ roadennoù emgefreek ha tennañ gounid eus hor skouerioù surentez uhel.

Kregiñ aes!

Hor merer staliañ a sikour ac'hanoc'h da staliañ ar meziant hag hor skoazeller a sikour ac'hanoc'h da lakaat an arventennoù dre ziouer. An niverel n'eo ket ret dezhañ bezañ luziet bepred!

Ho «Krouer fakturennoù», hoc'h ezhommoù

«Krouer fakturennoù» a sikouro ac'hanoc'h e pep tachenn eus ar fakturiñ. Enrollit meur a chomlec'h, a frazenn, a zoare paeañ, a draoñ-pajenn, a elfenn fakturenn ha dibabit bep tro an elfennoù a glot gant ar pezh a zo ezhomm deoc'h. Ar re dibabet aliesañ a vo enrollet emgefreek evel re dre ziouer – evel-se e c'hounezit amzer briziet hag e chomit gwevn!

Heuliit hoc'h hent deoc'h!

Hor program a ro an tu deoc'h, zoken gant un nebeud anaoudegezhioù html hepken, da grouiñ ho patromoù fakturennoù deoc'h ha d'o enframmañ er program. Ha zoken hep anaoudegezh urzhiataerezh ebet e c'hallit seveniñ ho mennozhioù deoc'h: skipailh «Krouer fakturennoù» a ginnig ur servij paeüs.

Kas fakturennoù

Kasit ho fakturenn echu war-eeun eus ar program dre bostel.

Enporzhiañ fakturennoù

Hon arc'hwel enporzhiañ a ro an tu deoc'h da enframmañ fakturennoù a zo dija en Excel e «Krouer fakturennoù» ha da strollañ an holl fakturennoù eus un daolenn en un teul pdf hepken gant un nebeud klikoù.

Heuliit mat hoc'h arc'hant

Aon ebet ken rak ar burev tailhoù! «Krouer fakturennoù» a sikouro ac'hanoc'h da zerc'hel ur gontouriezh sur ha resis.

Servij hizivaat enlinenn

Ho «Krouer fakturennoù» staliet a c'houlenn ingal hizivadurioù digant invoice-create.com. Mar bez re hegerz e c'hallont bezañ staliet aes, emgefreek pe gant an dorn. Evel-se e chomot, c'hwi hag ho meziant, hizivaet bepred.

Darempred ha soñjoù

Gant «Krouer fakturennoù» e fell deomp kemer ul lodenn eus ho labour pemdeziek. Ma'z eus goulennoù ganeoc'h, pe kudennoù gant ar meziant, e c'hallit kavout respontoù war hor forom. Krouet eo bet ar forom-mañ evit hon implijerien hag e endalc'h kalz kaozeadennoù dedennus, a sikouro ac'hanoc'h en amzer da zont da implijout hor produ.

Ar pouezusañ: surentez ho roadennoù

Surentez ho roadennoù eo hor pal kentañ. An holl roadennoù a vez miret war vedia an implijer, hep tu ebet evit tud all da dizhout anezho. Ouzhpenn-se eo sur-mat hor stumm enlinenn eus ar program: enrinegañ ar roadennoù a vez graet hervez ar skouerioù perzhded uhelañ.