Temia

Tapadennoù-skramm

Pal ar program

Savet eo ar program dreist-holl evit an ajantoù madoù-diloc'h hag an arbennigourien all a labour gant ar madoù-diloc'h. Ar program a aesaio an oberiadennoù pemdeziek evit heuliañ madoù-diloc'h da werzhañ pe da feurmiñ, ar goulennoù a erru hag an diaz roadennoù pratikoù.

Enrollañ ar madoù-diloc'h

Ar program a ro an tu da ouzhpennañ aes madoù-diloc'h nevez. Pep mad a c'hall bezañ rummet. Ar program a endalc'h dija rummadoù boutin, evel ul lojeiz, un ti, ur c'harrdi. Gallout a rit cheñch pe klokaat ar roll-se. Ouzhpenn ar rummad e c'hallit enrollañ forzh peseurt seurt roadennoù all diwar-benn ar madoù-diloc'h, skeudennoù en o zouez.

Enrollañ ar goulennoù

Ouzhpenn enrolladur ar madoù-diloc'h e c'hallit heuliañ ar goulennoù kaset dre bellgomz, dre bostel pe dre ganolioù all. Pep goulenn a endalc'h titouroù diwar-benn piv en deus diskouezet dedenn evit ur mad ha pegoulz. En ivinell ar mad e c'hallit sellet ouzh an holl c'houlennoù a sell ouzh ar mad-se.

Un arc'hwel aes all eus ar program eo an tu da enrollañ pep gweladenn eus ar mad gant ar brenerien pe ar feurmerien bosupl. Ar program en deus un deiziadur grafikel ma c'hallit ouzhpennañ an holl weladennoù, en ur lakaat an holl roadennoù ret. Pep gweladenn a c'hall kaout ur stad resis ha bezañ merket (diouzh ar stad-se) gant livioù disheñvel. Livioù an deiziadur kenkoulz hag ar stadoù posupl a c'hallit termeniñ hoc'h-unan. En ivinell ar mad e c'hallit sellet ouzh an holl weladennoù a sell ouzh ar mad-se.

Enrollañ ar pratikoù

Pa enrollit ho pratikoù e c'hallit lakaat forzh peseurt seurt roadennoù a sell outo – reiñ dezho ur rol resis (prener, gwerzher, perc'henn, feurmer), resisaat o roadennoù darempred, ouzhpennañ teulioù skanet, krouiñ maeziennoù nevez h.a.

En ivinell «Goulennoù klask» e c'hallit ouzhpennañ an dezverkoù ret eus ar madoù-diloc'h klasket gant ho pratikoù. Eno e c'hallit ivez gwiriañ goulennoù klask ho pratikoù a sell ouzh ho madoù.