Temia

Tapadennoù-skramm an urzhiataer

Tapadennoù-skramm ar pellgomzer

Kontouriezh aes

Ar program a ro an tu deoc'h da heuliañ hoc'h arc'hant personel. A-benn ar fin e c'hallit gwelet sklaer ho tispignoù ha gwellaat anezho.

Arc'hant sklaer

An holl c'hounidoù hag an holl zispignoù eus ho puhez pemdez a c'hall bezañ ouzhpennet er program. A-drugarez d'an arc'hwel kontoù disheñvel e c'haller disrannañ ar paeamantoù hag ar resevadennoù e moneiz pe gant kartenn. Evit ur sell gwelloc'h e vez rannet an holl enmontoù e rummadoù ivez.

Sell klok

Ar program en deus siloù disheñvel a ro an tu deoc'h da welet ho stad arc'hant en un doare munut. Evel-se, da skouer, dispignoù an ti, ar boued, an tikedennoù parklec'h, an asurañsoù ha kalz traoù all a vo diskouezet sklaer er program. Ar paeamantoù reoliek a c'hall bezañ ouzhpennet ivez evit ur prantad miziek pe bloaziek.

Gwellaat an dispignoù

Un arc'hwel pouezus all eus ar program eo ar «paeamant didalvoud». Gant an arc'hwel-se e c'haller notenniñ aes ha buan ar mizoù a garfec'h tremen hepto en amzer da zont. Diskouezet sklaer e vo an dispignoù-se er c'hempouez ivez. An holl roadennoù a vo diskouezet en danevelloù miziek ha bloaziek munut hervez ho c'hoantoù. Ho roadennoù a c'hall bezañ rummet ivez dre rummad, dre gont, dre baeamantoù reoliek pe dre baeamantoù didalvoud. Er grafik e c'hallit gwelet ho kempouez e mizioù resis ha keñveriañ anezho.

Kregiñ buan

Evit eeunaat dastum ar roadennoù e skor ar program un arc'hwel enporzhiañ, a ro an tu da enporzhiañ roadennoù eus programmoù all.

Eilenn gwarez

An tu da ober eilennoù gwarez ha da ezporzhiañ er mentrezhoù CSV ha PDF a ro an tu deoc'h da virout ho roadennoù en un doare sur. Gallout a rit ivez moullañ ho roadennoù.