Temia

Glacaidhean-sgrìn deasga

Glacaidhean-sgrìn fòn

Cleachdadh

Bheir am prògram seo, “Siostam Màil Bathair”, cothrom dhuibh pròiseas a’ mhàil a dhèanamh nas sìmplidhe is nas luaithe. Tha am prògram air a dhealbhadh airson pròiseas màil bathair sam bith a chlàradh: uidheamachd shònraichte, uidheamachd obrachaidh, dòighean còmhdhalach, o charbadan gu sgìthean, àirneis, aodach, ionnsramaidean ciùil, diofar nithean làitheil msaa.

Prògram furasta a chleachdadh

Taing don dealbhadh fhurasta, ghoireasach is lèirsinneach, ’s urrainn do chleachdaiche sam bith aig ìre sam bith a chleachdadh gun duilgheadas. Cuideachd, seallaidh am prògram staid nan nithean a tha ri fhaighinn air màl ann an dòigh lèirsinneach dhathach. Tha gleus ann airson sealladh grafaigeach air na glèidheadh, a chuidicheas sibh gus faicinn cuin agus dè an nì a chaidh a ghlèidheadh, a thilleadh no nach deach a phàigheadh. ’S urrainn dhuibh cuideachd na glèidheadh fhaicinn ann an cruth clàir. Thèid staid theicnigeach gach nì a shealltainn sa phrògram.

Bheir am prògram seo dòigh ghoireasach dhuibh gus staid nan nithean atharrachadh (air a thoirt seachad, air a thilleadh msaa) a bharrachd air bathar a ghlèidheadh. Tha gleus lorg luath ann airson nì no neach-dèiligidh.

Sgrìobhainnean pearsanta is bilean

Sa phrògram, ’s urrainn dhuibh na sgrìobhainnean pearsanta agaibh a chruthachadh. Gabhaidh cruth na sgrìobhainn a mhìneachadh gu tur leis a’ chleachdaiche, agus ’s urrainn dhuibh cuideachd teamplaidean deiseil a chleachdadh. Rud sònraichte, tha dòigh fhurasta aig a’ phrògram air bilean a chruthachadh is a rèiteachadh le bann-cinn, suaicheantas is eileamaidean pearsanta eile. Nuair a bhios sibh a’ cruthachadh a’ bhile, ’s urrainn dhuibh na cosgaisean màil a thaghadh. A bharrachd air na nithean a tha ri fhaighinn air màl, ’s urrainn dhuibh nithean a bharrachd a chur ris a’ bhile. Faodaidh grunn ìrean VAT a bhith aig na bilean. Airson ur goireasachd, tha draoidh sa phrògram a chuidicheas sibh gus na roghainnean ceart airson ur bile a thaghadh agus an ìre VAT bhunaiteach a shuidheachadh.

Ion-phortadh bathair

Gabhaidh nithean airson màil a shuidheachadh le làimh leis a’ chleachdaiche, agus cuideachd an ion-phortadh o phrògraman eile. Faodaidh roinn shònraichte a bhith aig an nì, agus bidh an cleachdaiche fhèin a’ mìneachadh liosta nan roinnean. Faodaidh àireamh gun chrìoch de loidhnichean tuairisgeil, dealbhan agus cuideachd roinn phrìsean a bhith aig an nì.

Stòr-dàta luchd-dèiligidh

Nuair a bhios sibh ag obair le luchd-dèiligidh, tha gleus stòraidh dàta agaibh a chuidicheas sibh gus fiosrachadh conaltraidh, dealbhan is eachdraidh an luchd-dèiligidh a stòradh.

Ùine a’ mhàil

Bheir am prògram seo cothrom dhuibh ùine màil sam bith a mhìneachadh: uair a thìde, latha, seachdain. Gabhaidh latha fhaicinn a-rèir uairean agus ùine thar grunn làithean a-rèir làithean fa leth.

’S urrainn dhan chleachdaiche roinn phrìsean a mhìneachadh. Airson gach roinn phrìsean, ’s urrainn dhuibh prìs a’ mhàil gach uair, gach latha agus gach seachdain a shuidheachadh.

Notaichean a’ chleachdaiche

Tha loidhne shònraichte sa phrògram far an urrainn dhuibh mion-fhiosrachadh mu mhàl nan nithean a mhìneachadh. Mar eisimpleir, tasgadh airson nì sam bith, briseadh, milleadh msaa.

Cha chaill sibh an dàta

Tha gleus lethbhreac-glèidhidh ri fhaighinn sa phrògram gus an dàta uile a dhìon. Bheir an gleus seo cothrom dhuibh bho àm gu àm gu fèin-obrachail an dàta a shàbhaladh.

A bharrachd air a’ ghleus seo, bheir am prògram cothrom dhuibh gach liosta às-phortadh gu fòrmat CVS, a clò-bhualadh no a sàbhaladh ann am fòrmat PDF.