Temia

Glacaidhean-sgrìn deasga

Glacaidhean-sgrìn fòn

Adhbhar a’ phrògraim

’S e stòr-dàta uile-choitcheann a th’ anns a’ phrògram a leigeas le clàr a chumail air nithean de sheòrsa sam bith. Ur luchd-dèiligidh, ur reic, ur bathar – sa phrògram, ’s urrainn dhuibh a h-uile atharrachadh a dhèanamh sibh fhèin agus feum a dhèanamh de na gleusan eadar-dhealaichte uile aige.

Ruith a’ phrògraim

An toiseach, feumaidh sibhse mar an cleachdaiche structar nan nithean a thèid a chlàradh a stèidheachadh. Faodaidh diofar sheòrsaichean feartan a bhith aig nithean: teacsa, liosta, àireamh, ceann-latha, suim msaa. Faodaidh nithean eile no fiù ’s clàran le nithean eile a bhith ann an nithean. Tha na roghainnean airson an structar a chruthachadh fìor fharsaing.

Nuair a bhios feartan nan nithean air am mìneachadh, nochdaidh tabaichean ùra ann am prìomh uinneag a’ phrògraim. An sin, ’s urrainn dhuibh nithean a chur ris, a thoirt air falbh no atharrachadh. Nuair a chuireas sibh nì ùr ris no a dh’atharraicheas sibh fear a tha ann, nochdaidh bogsa-còmhraidh leis na raointean innteirt a chaidh a mhìneachadh roimhe.

Lorg

Airson gach seòrsa nì, cruthaichidh am prògram loga gu fèin-obrachail anns a bheil clàr le nithean dhen t-seòrsa sin. An-seo, ’s urrainn dhuibh diofar chriathragan a chleachdadh. Fanaidh roghainnean nan criathragan agaibh mar a bha iad an ath thuras a ruitheas sibh am prògram.

Ge be dè an structar a chaidh a stèidheachadh, tha àireamh, ainm, ceann-latha cruthachaidh, ceann-latha atharrachaidh agus bogsa notaichean aig gach nì. Gabhaidh iad seo a chleachdadh mar shlatan-tomhais luirg.

Leis a’ phrògram, gheibh sibh iomadh cothrom airson nithean a mhion-sgrùdadh agus toraidhean a riochdachadh gu grafaigeach.

Ceanglaichean eadar nithean

Gabhaidh ceanglaichean a chruthachadh eadar na nithean a thathar a’ pròiseasadh. Tha seo a’ ciallachadh gun gabh grunn nithean eile a cheangal ri aon nì.

’S urrainn dhuibh dealbhan o mheadhan dàta no o sganair a chur ris na nithean a thathar a’ pròiseasadh.

Bathar-bog prògraim gnàthaichte

Leis a’ phrògram againn, gheibh sibh fuasgladh prògraim fa leth a ghabhas gnàthachadh a-rèir ur feumalachdan. Uair sam bith, ’s urrainn dhuibh structaran nan nithean atharrachadh no structaran ùra a chur ris sibh fhèin.

Mar sin, nì am prògram clàradh nan nithean agaibh nas sìmplidhe agus nì e ur n-obair mòran nas fhasa.