Temia

Glacaidhean-sgrìn

Cleachdadh

Tha am prògram airson cunntasachd leabharlainn. Gabhaidh a chleachdadh airson nì sam bith, leithid leabhraichean, CDan, buinn, stampaichean is mar sin air adhart. Faodaidh an cleachdaiche seòrsa an nì (leabhar, bonn msaa) a shònrachadh.

Ag obair le nithean an stoc

A-rèir seòrsa an nì, gabhaidh fiosrachadh eadar-dhealaichte a chur ris. Gabhaidh roinn is fo-roinn (a dh’fhaodas an cleachdaiche a shònrachadh) a thoirt do gach nì. Ma tha ùghdar aig an nì, faodaidh an cleachdaiche an t-ùghdar a chomharrachadh. An uair sin, nuair a thèid an cleachdaiche a-steach dhan taba le ùghdaran agus a thaghas e fear dhiubh, chì e liosta de na nithean aig a bheil an t-ùghdar seo. A bharrachd air an ùghdar, ’s urrainn dhuibh daoine eile a chur ris, a’ sònrachadh an dreuchdan a thaobh an nì. Faodaidh an cleachdaiche liosta de dhreuchdan comasach a mhìneachadh. San aon dòigh, gabhaidh na nithean uile a tha co-cheangailte ri neach sònraichte a shealltainn ann an liosta fa leth.

A bharrachd air an dàta choitcheann, leigidh am prògram le iomadh feart nan nithean a shàbhaladh, mar eisimpleir ISBN, foillsichear, meudachdan, fòrmatan, dàta margaidheachd, agus tha raointean a bharrachd ann.

Toirt air màl

Leigidh am prògram le cleachdaichean clàr a chumail air nithean a chaidh “a thoirt air màl”. Airson an adhbhair seo, bu chòir do chleachdaichean liosta de luchd-dèiligidh a chumail, a’ sònrachadh staid an nì air màl, cinn-latha a’ mhàil agus an tilleadh a bha san amharc agus an tilleadh fhèin.

Clàradh stòraidh nan nithean agaibh

Leigidh am prògram leibh cuideachd nithean a chumail ann an àiteachan sònraichte, a’ gabhail a-steach togalach, seòmar, preas agus sgeilp. Nuair a thaghas an cleachdaiche aon àite, chì e liosta de na nithean uile a tha air an cumail san àite sin.

Làimhseachadh chlàran

Gabhaidh a h-uile clàr sa phrògram gnàthachadh gu furasta leis a’ chleachdaiche – ’s urrainn dhuibh taghadh dè na colbhan a thèid a shealltainn, an òrdugh is an leud, agus mar a thèid susbaint a’ chlàir a sheòrsachadh.

Gabhaidh a h-uile clàr às-phortadh gu fòrmat CSV, clò-bhualadh no sàbhaladh mar fhaidhle PDF.

Prionnsapal ioma-chleachdaiche

Tha am prògram seo a’ cur taic ri aithneachadh chleachdaichean. Tha a clàradh a-steach agus a facal-faire fhèin aig gach cleachdaiche. Clàraidh am prògram gach atharrachadh dàta gu fèin-obrachail. Leigidh am prògram leibh faicinn dè an cleachdaiche a chuir ris no a dh’atharraich an dàta. Thèid ceann-latha is àm nan atharraichean a chlàradh, a bharrachd air fiosrachadh slàn mu na chaidh atharrachadh.

Faodaidh am prògram obrachadh leis an stòr-dàta ionadail, agus cuideachd le stòr-dàta meadhanach MySql. Sa chùis seo, faodaidh grunn chleachdaichean obrachadh leis a’ phrògram aig an aon àm. Nuair a bhios aon chleachdaiche a’ deasachadh nì, bidh e ri fhaighinn do chleachdaichean eile sa mhodh leughaidh a-mhàin.

Leasachadh a’ phrògraim a-rèir ur feumalachdan

Tha am prògram ag obair air bunait a’ cho-phàirt Temia Business Template (Java) a chaidh a leasachadh leinn, a nì cinnteach gun obraich am prògram gu earbsach, agus a leigeas leinn am prògram atharrachadh gu luath a-rèir feumalachdan nan cleachdaichean gun chosgaisean mòra. Ma chuireas sibh fios thugainn, bidh sinn toilichte tuairmse a thoirt dhuibh airson leasachadh a’ phrògraim a-rèir ur feumalachdan.