Temia

Glacaidhean-sgrìn

Taigh-bìdh, cafaidh no bàr fèin-obrachail

Leigidh am prògram “Stiùireadh Thaighean-bìdh” leibh pròiseasan gnìomhachais uile na roinne agaibh a dhèanamh fèin-obrachail. Tha am prògram air a dhealbhadh airson cafaidh beag, a bharrachd air taigh-bìdh mòr. Tha an siostam sìmplidh is furasta a chleachdadh, le eadar-aghaidh shoilleir is nàdarra a luathaicheas obair na roinne agaibh.

Làimhseachadh òrduighean

Tha seata de roghainnean goireasach is feumail sa phrògram airson òrduighean a chruthachadh is a stiùireadh.

Gabhaidh clàr-bìdh le roinnean is prìsean a shuidheachadh san t-siostam. ’S urrainn dhuibh cuideachd prìsean a bharrachd a shònrachadh a thèid a lìonadh gu fèin-obrachail nuair a thèid òrdachadh. Tha diofar lasachaidhean is phrìsean, a-rèir latha na seachdaine no àm an latha, comasach sa phrògram cuideachd.

A bharrachd air sin, tha gleus ann airson cunntas a chumail air raon nam biadhan sa chidsin. Mar sin, nuair a shònraicheas sibh na tha ri fhaighinn de bhiadh, àireamhaichidh am prògram na tha air fhàgail às dèidh gach òrdugh. Mar sin, mura bheil am biadh a tha a dhìth ann, cha leig an siostam leibh a chur ris an òrdugh.

Tha staidean aig òrduighean agus faodaidh a dath fhèin a bhith aig gach staid. Gabhaidh na staidean is na dathan comasach a shuidheachadh le cleachdaichean ann an roghainnean a’ phrògraim. Tha raon notaichean airson a’ chidsin aig gach nì òrduigh.

Is fhiach a ràdh gun gabh gach òrdugh a roinn eadar an àireamh de dh’aoighean a tha a dhìth airson pàigheadh fa leth, le cuideachadh gleus goireasach airson òrduighean a sgaradh.

Cha toir e mòran ùine òrdugh fhaighinn agus a chur chun a’ chidsin / a’ bhàir. Gus òrdugh a chur chun a’ chidsin / a’ bhàir, gabhaidh gach òrdugh clò-bhualadh.

Glèidheadh bhòrd

Tha an siostam glèidhidh air fhighe a-steach dhan phrògram gu nàdarra. Gabhaidh taisbeanadh grafaigeach airson bòrd a ghlèidheadh a shealltainn mar loidhne-ama, a bharrachd air mar chlàr. Aig an aon àm, gabhaidh am modh taisbeanaidh a shuidheachadh le cleachdaichean.

Cumaidh am prògram clàr air luchd-tadhail, le comas am fiosrachadh conaltraidh a chomharrachadh, rud a luathaicheas glèidheadh bhòrd.

Staitistearachd mhionaideach

Leigidh am prògram le aithisgean a chruthachadh. San t-siostam, tha staitistearachd mhionaideach ri fhaighinn air an t-sruth-airgid iomlan, na biadhan a chaidh a reic, àireamh nan glèidheadh a chaidh a dhèanamh, àireamh nan aoighean, àireamh an luchd-frithealaidh agus roinnean eile. Tha comharran is aithisgean ri fhaighinn ann an cruth chlàran, ghrafaichean is chairtean airson na h-ùine a tha a dhìth.

Clò-bhualadh fhàirdealan is chuidhteasan

Tha “Stiùireadh Thaighean-bìdh” a’ cur taic ri clò-bhualadairean airson fàirdealan is cuidhteasan a chlò-bhualadh sa bhad aig diofar ìrean de làimhseachadh an òrduigh.