Temia

Glacaidhean-sgrìn deasga

Glacaidhean-sgrìn fòn

Cunntasachd fhurasta

Bheir am prògram cothrom dhuibh clàr a chumail air ur n-ionmhas pearsanta. Mu dheireadh thall, chì sibh ur cosgaisean gu soilleir agus is urrainn dhuibh an leasachadh.

Ionmhas soilleir

Gabhaidh teachd-a-steach is cosgaisean uile ur beatha làitheil a chur ris a’ phrògram. Taing do ghleus nan diofar chunntasan, gabhaidh pàighidhean is cuidhteasan ann an airgead-làimhe no le cairt a sgaradh. Airson sealladh nas fheàrr, tha na h-innteartan uile air an roinn ann an roinnean cuideachd.

Sealladh iomlan

Tha diofar chriathragan sa phrògram a leigeas leibh ur suidheachadh ionmhais fhaicinn gu mionaideach. Mar sin, mar eisimpleir, thèid cosgaisean an taighe, biadh, tiocaidean pàircidh, àrachas agus mòran a bharrachd a shealltainn gu soilleir sa phrògram. Gabhaidh pàighidhean cunbhalach a chur ris cuideachd aig amannan mìosail no bliadhnail.

Leasachadh chosgaisean

’S e “pàigheadh neo-riatanach” gleus cudromach eile sa phrògram. Leis a’ ghleus seo, gabhaidh na cosgaisean a bu toigh leibh a sheachnadh san àm ri teachd a chomharrachadh gu furasta is gu luath. Bidh na cosgaisean seo rim faicinn gu soilleir sa chothromachadh cuideachd. Thèid an dàta uile a shealltainn anns na h-aithisgean mìosail is bliadhnail mionaideach a-rèir ur miann. Gabhaidh an dàta agaibh a sheòrsachadh cuideachd a-rèir roinn, cunntais, pàighidhean cunbhalach no pàighidhean neo-riatanach. Anns an diagram, chì sibh ur cothromachadh ann am mìosan sònraichte agus is urrainn dhuibh coimeas a dhèanamh eatorra.

Tòiseachadh luath

Gus cruinneachadh dàta a dhèanamh nas sìmplidhe, tha am prògram a’ cur taic ri gleus ion-phortaidh a leigeas le dàta ion-phortadh o phrògraman eile.

Lethbhreac-glèidhidh

Leis a’ chomas lethbhreac-glèidhidh a dhèanamh agus às-phortadh gu fòrmatan CSV is PDF, ’s urrainn dhuibh ur dàta a shàbhaladh gu tèarainte. ’S urrainn dhuibh ur dàta a chlò-bhualadh cuideachd.