Temia

Glacaidhean-sgrìn

Cleachdadh

Cuidichidh am prògram “Stiùireadh Bhall” sibh gus pròiseasan na buidhne agaibh a dhèanamh fèin-obrachail. Tha am prògram air a dhealbhadh airson gach seòrsa comainn.

A dh’aindeoin cho toinnte ’s a tha gnìomhan siostam bhall, dh’fheuch sinn ris a’ phrògram a dhèanamh cho sìmplidh is so-thuigsinn ’s a ghabhas. Tha grunn dhòighean san t-siostam airson dàta a chur a-steach gu luath, leithid putanan aithghearra, fiosrachadh a chur a-steach gu fèin-obrachail o stòr-dàta msaa. Nì an gleus luirg sùbailte is sìmplidh ann an stòr-dàta a’ phrògraim, le diofar pharamadairean, an obair mòran nas sìmplidhe.

Stiùireadh bhall

Leigidh an siostam leibh diofar fhiosrachadh a stòradh mu na buill: dàta pearsanta (àite breith, ceann-latha breith), barrachd fiosrachaidh conaltraidh, barrachd air aon seòladh, iomadh dealbh, dàta banca. Tha mòran raointean sònraichte ann cuideachd, leithid urrasair, fiosrachadh àrachais no eachdraidh nan cairtean ballrachd a chaidh a thoirt seachad.

Sa phrògram, tha e glè fhurasta faicinn dè na cùrsaichean dhan do chlàraich ball, dè na fàirdealan a chaidh a chur thuige agus dè na pàighidhean a fhuaireadh uaithe. Thèid cothromachadh a’ bhuill a shealltainn cuideachd.

Stiùireadh chùrsaichean

Tha na feartan a leanas aig cùrsaichean: ainm, tuairisgeul, roinn, toiseach, deireadh, talla, oide msaa.

Gabhaidh com-pàirtiche a shònrachadh do chùrsa agus smachd a chumail air na h-àiteachan a tha ri fhaighinn. Gabhaidh cùrsaichean a chur ri fàirdeal iomlan no gabhaidh bile a chur airson cùrsa fa leth sam bith.

Thèid gach cùrsa a chumail ann an seòmar. Gabhaidh seòmraichean a mhìneachadh sna roghainnean. Bheir am prògram seachad riochdachadh grafaigeach air cleachdadh nan seòmraichean.

Cunntasachd fhurasta

Bheir an siostam seachad stiùireadh air taraifean bhall, bileachadh fèin-obrachail bhall – cruthachadh fèin-obrachail bhilean ro thoiseach no às dèidh deireadh na h-ùine cunntasachd.

O na cunntasan a tha sa phrògram mu thràth, gabhaidh dochairean dìreach SEPA a chruthachadh. Gabhaidh iad seo a stòradh ann am faidhle XML agus a chleachdadh airson suimean a thogail gu fèin-obrachail ann am bancaireachd air loidhne. Thèid na cunntasan a chaidh a thaghadh a chomharrachadh mar “pàighte” agus thèid pàighidhean co-fhreagarrach a ghintinn.

Staitistearachd mhionaideach

Tha diofar staitistearachd is ghrafaichean sa phrògram, leithid àireamh nam ball gnìomhach no suim nam fàirdealan a chaidh a chur a-mach.