Temia

Ekrankopioj por komputilo

Ekrankopioj por poŝtelefono

Celo de la programaro

La ĉefa funkcio de la programaro estas registri ĉiujn ekzistantajn pacientajn dosierojn kaj prizorgi la respondan registron de akceptoj de pacientoj. Ĝi povas esti uzata en ajnaj akceptejoj de kuracejoj, kiuj registras siajn klientojn.

Prizorgado de registroj

La registro de akceptoj de pacientoj en ĉi tiu programaro estas prezentata en du variantoj – grafike kaj en tabeloj. Ĉiuj eroj rilataj al akcepto de pacientoj povas esti enigitaj en la registron. Laŭbezone la grafika varianto ebligas senpene elekti la bezonatan daton, horon kaj kuraciston por rendevuo. Se oni uzas la registron en formo de tabeloj, ĉiuj eroj povas esti ordigitaj aŭ filtritaj. Ĉiuokaze ĉi tiu programaro ne nur simpligos la registradon de pacientoj, sed ankaŭ rapidigos la akcepton de petoj kaj aliajn agadojn.

Simpligo de la akcepto de petoj

Por pli bone kompreni, kiel la uzo de ĉi tiu programaro simpligos la registradon de ĉiuj pacientoj, oni rekomendas konatiĝi kun la proponataj funkcioj. Ĉiuj enigitaj eroj havos difinitan staton. Tio signifas, ke la marko “rezervita” informos vin, ke certa ero pri rendevuo estas kreita. La marko “farita” povas esti uzata, se la paciento venas al la rendevuo, kaj “nuligita” en la kazo de nuligo de la rendevuo. Laŭbezone eblas indiki la kialon de tia foresto.

Registrado de vizitoj

Sendube per la programaro estos facile registri la venojn de pacientoj en la klinikon. Krome, en kazo de ajna miskompreno eblos tre rapide kontroli ĉiujn bezonatajn datumojn. La disponebleco de ĉiuj datumoj ĉiam helpas plene kompreni la momentan situacion, kiu tiel estos pli facile solvita.

Simpla prizorgado de pacientaj dosieroj

Danke al ĉi tiu programaro la prizorgado de pacientaj dosieroj estas simpligita. Eblas konservi personajn datumojn (plena nomo, naskiĝdato ktp.) aŭ kontaktdatumojn de pacientoj. Eblos enkonduki pliajn kampojn laŭ propra bontrovo kaj laŭ propraj bezonoj; datumojn pri la malsanasekuro; liston de ĉiuj malsanoj, kiujn la paciento havis dum sia vivo; ekzistantajn kaj starigitajn diagnozojn; liston de faritaj diagnostikaj agadoj. Estas tre oportune aldoni dokumentojn, ekzemple fotojn, kaj registri ĉiujn provizitajn servojn kiel listojn.

Simpla fakturado al klientoj

Ne plu estos problemoj pri la kalkulado de la pagotaj sumoj por la servoj provizitaj al pacientoj, ĉio estos farata aŭtomate. Tio koncernas ankaŭ la markojn por registri la pagon de fakturoj.

La funkcio de prizorgado de katalogo de proponataj servoj ebligas ne nur vidi ilian liston, sed ankaŭ aldoni ilin al fakturoj. Laŭbezone ĉiu fakturo povas esti kreita el la listoj de servoj ankoraŭ ne pagitaj en la pacientaj dosieroj.

Kontrolo per statistiko

La uzo de la programaro ebligas krei rendevuajn erojn por ĉiuj kuracistoj, kiuj laboras en la kliniko. La listo de kuracistoj povas esti senlima.

Krome estas kreataj diversaj statistikoj, kiuj ebligas al vi trarigardi la diagramojn de la ŝanĝo de la nombro de pacientoj, de ĉiuj eroj dum la pasintaj 12 monatoj, de diagnozoj starigitaj dum la difinita periodo (kiel tortodiagramo), de eblaj plendoj de klientoj dum la difinita periodo (kiel tortodiagramo), same kiel diagramojn kun ĉiuj enspezoj ricevitaj por la provizitaj servoj.

Alirebla por ĉiuj

Ekzistas tre oportuna funkcio de konservado de datumoj enigitaj en linioj. Tio signifas, ke kiam la valoroj devas esti enigitaj duan fojon, ili povas esti facile elektitaj el la proponata listo.

Vi povas esti certa, ke la laboro kun ĉi tiu programaro estas simpla. Gravas noti, ke uzantoj ne bezonas specialajn komputilajn kapablojn. Tiel la instalado de tia simpla kaj efika programaro senpene ordigos kaj simpligos la laborprocezon. Vi ankaŭ povos konstante sekvi la aktualan statistikon de vizitoj de pacientoj, iliaj diagnozoj, faritaj medicinaj proceduroj kaj multaj aliaj aferoj.