Plataforma: Windows
Enllaz: Descargar la versión DEMO (Usu de baldre 30 díes)
Enllaz: Descargar la versión DEMO como paquete MSI (pa la implantación en redes d'empresa)
Preciu: 39,99 €
Mac, iPhone, iPad
Captures de pantalla
Aplicación
El programa «Xestión de socios» ayúda-y a automatizar los procesos de la so organización. El programa ta diseñáu pa toles tribes d'asociaciones.
A pesar de la complexidá de les xeres d'un sistema de socios, tentamos facer el programa lo más cenciellu y comprensible posible. El sistema tien delles maneres d'introducir datos rápido, como botones rápidos, entrada automática de la información dende una base de datos, etc. La función de busca flexible y cenciella na base de datos del programa con distintos parámetros simplifica muncho'l trabayu.
Xestión de socios
El sistema permite guardar información diversa de los socios: datos personales (llugar de nacencia, data de nacencia), más datos de contactu, más d'una direición, delles semeyes, datos bancarios. Hai tamién munchos campos especiales, como tutor, información del seguru o historial de los carnés de sociu emitíos.
Nel programa ye mui fácil ver en qué cursos s'inscribió un sociu, qué factures se-y emitieron y qué pagos se recibieron d'él. Tamién s'amuesa'l saldu del sociu.
Xestión de cursos
Los cursos tienen les propiedaes siguientes: nome, descripción, categoría, aniciu, fin, sala, monitor, etc.
Ye posible asignar participantes a un cursu y controlar la disponibilidá. Los cursos puen cargase nuna factura total o pue facturase cualquier cursu individual.
Cada cursu va facese nuna sala. Les sales puen definise na configuración. El programa ufre una representación gráfica de la ocupación de les sales.
Contabilidá fácil
El sistema permite xestionar les cuotes de los socios y la facturación automática a los socios: creación automática de factures enantes del aniciu o depués del fin del periodu de facturación.
A partir de les factures esistentes nel programa puen crease adeudos direutos SEPA. Estos puen guardase nun ficheru XML y usase pal cobru automáticu d'importes na banca en llinia. Les factures escoyíes márquense como «pagaes» y xenérense los pagos correspondientes.
Estadístiques detallaes
El programa tien distintes estadístiques y gráficos, como'l númberu de socios activos o la suma de les factures emitíes.