Temia

Captures d'escritoriu

Captures del teléfonu

Aplicación

El software ta diseñáu p'optimizar el procesu de trabayu de la execución de xeres. El software fai'l seguimientu de les xeres, controla l'estáu de la so execución y, al empar, ye una ferramienta de comunicación ente los usuarios del software.

Xeres

Nel software ye posible crear «xeres». Cada xera tien númberu, nome, estáu, prioridá, descripción detallada y otra información. El software permite una configuración flexible; p. ex., l'alministrador pue editar la llista d'estaos posibles indicando cuálos d'ellos se tienen de considerar «finaos».

A cada xera pue asignáse-y una categoría y una subcategoría. Según los campos escoyíos, puen definise propiedaes adicionales de la xera.

Los usuarios puen dexar comentarios y camudar l'«executor activu».

Esfuerzu real y estimáu

El software permite calcular l'«esfuerzu» que precisó una xera pa la so execución sumando tol «esfuerzu» de los usuarios.

Recordatorios

El software tien una función de «recordatoriu». Al amestar un recordatoriu a la xera y indicar la data, esta xera pue atopase fácilmente na llista de recordatorios activos.

Creación de series de xeres

La creación de series de xeres ye una función importante. Al crear una serie de xeres, pue indicase una xera que se va crear dientro d'un periodu de tiempu determináu. Amás, puen indicase ciertos díes de la selmana o del mes pa crear les xeres. Ye posible llimitar el númberu d'eses xeres por tiempu o por cantidá. Tamién ye posible crear una xera depués d'un periodu de tiempu determináu cuando se fina l'anterior de la serie (la xera considérase finada si'l so estáu ta definíu como «finada» («Configuración -> Sirvidor -> estáu (finada)»).

Impresión y estadístiques

El software permite imprentar toles llistes o guardales como PDF. Amás, tien estadístiques detallaes.

Particularidaes del funcionamientu del software

El software ta diseñáu pa que lu usen usuarios dientro d'una mesma rede llocal. Ún de los usuarios del software tien d'executalu en mou sirvidor, y tolos datos del software van guardase automáticamente nel so ordenador. Los demás usuarios tienen d'executar el software en mou cliente ya indicar el nome del ordenador y el númberu de puertu. Los datos d'accesu créense nel ordenador del usuariu sirvidor. Estos datos precísense pa la identificación y l'accesu al software.

El software tien un mou de transaiciones. Si un usuariu ta editando una xera, los demás nun puen facer lo mesmo; namái puen ver la xera hasta que l'usuariu que la edita acabe de trabayar con ella.