Temia

Captures d'escritoriu

Captures del teléfonu

Aplicación

Si quier simplificar el control d'inventariu de la so tienda y almacén, use'l nuesu programa. El programa va ayuda-y a llevar de manera fácil les cuentes del so surtíu de productos. Va poder asignar a cada productu'l so propiu númberu y nome, amestar la descripción necesaria y el códigu de barres, y tamién clasificar los sos productos en categoríes y subcategoríes. Amás, ye posible amestar numberosos datos como estáu, distintos precios y un númberu illimitáu de semeyes.

Ye posible filtrar los sos productos por cualquier criteriu necesariu y buscalos direutamente nel campu de busca por una carauterística concreta. Ente otres coses, pue guardar la llista de productos en formatu PDF, esportala a formatu CSV ya imprentala.

Xestión d'existencies

Tamién va apreciar la función que permite camudar fácilmente la cantidá de productos del so almacén. Pa facer el cambéu, hai que crear una entrega nueva colos datos del fornidor y los productos necesarios. Los productos amiéstense automáticamente al almacén y indícase la información del so allugamientu exactu. Esta función tamién pue facese amestando direutamente productos concretos, o camudando y desaniciando los esistentes nel diálogu d'existencies. Al facelo, tolos valores introducíos pol usuariu queden rexistraos nel historial de cambeos de la xestión d'existencies. Pa les entregues puen definise delles carauterístiques adicionales, por exemplu, númberu esternu y llocal, estáu, fornidores, cuentes, estáu de pagu y métodos de pagu.

Catálogu de clientes y fornidores

Esti programa ufre una manera fácil d'amestar y consultar los fornidores. Amás de la información básica de cada fornidor, tamién pue ver el so númberu d'identificación fiscal, datos de contactu, notes, semeyes y otros detalles. El programa permite clasificar los fornidores en distintos grupos o asignayos un estáu. Toles funciones mentaes puen aplicase tamién a los catálogos de clientes.

Manera fácil de consultar les existencies

Na llingüeta d'existencies del programa pue consultar l'allugamientu, la cantidá de productos disponibles y el so preciu. Cola función guiada pue amestar, modificar o desaniciar fácilmente elementos individuales, cantidaes, precios o allugamientos d'almacén.

Xestión de pidíos

El programa tien una función especial: el diálogu de llista de pidíos. Pue amestar un pidíu nuevu a la llista o modificar l'actual. Ye posible amestar a cada pidíu distintos documentos, como factura, ufierta comercial o confirmación de pidíu. Cada pidíu tien el so propiu estáu. L'usuariu tamién pue modificar la llista d'estaos disponibles.

Documentos propios

El programa permite crear fácilmente los sos propios albaranes y factures con encabezáu y logotipu. La distancia ente llinies y les columnes amosaes pue definiles vusté mesmu. Si quier, tamién pue usar les plantíes yá feches disponibles y namái tien d'introducir los sos datos. El programa permite distintos tipos d'impuestos nes factures. El programa asigna automáticamente un númberu a cada documentu, o los númberos puen asignase manualmente.

Visión completa de productos y documentos

Con distintes variantes de vista xeneral ye posible amosar el conteníu del so almacén per categoríes de productos o per estáu. Tamién ta disponible la visión completa d'entregues y productos. Tola esta información pue amosase gráficamente pa un periodu de tiempu determináu.

Los sos datos nunca nun se van perder

Otra particularidá importante del programa ye la función integrada de copia de seguridá, qu'avisa automáticamente de la posibilidá de facer copia de los sos datos nun periodu de tiempu determináu. Cualquier documentu creáu pue imprentase o guardase en formatu PDF.