Temia

Captures de pantalla

Aplicación

Les funciones principales del software «Deteición de movimientu» son detectar y rexistrar el movimientu d'oxetos na cámara.

P'aniciar el trabayu col programa «Deteición de movimientu», hai que coneutar les cámares USB al ordenador y amestales al programa con un solu clic del mur. Al aniciar el programa, toles cámares amestaes y coneutaes van activase automáticamente.

Depués hai qu'escoyer una cámara y activar el mou de deteición de movimientu. Nesti mou, el programa detecta'l movimientu d'oxetos. Les semeyes fáense automáticamente. L'algoritmu del programa ta optimizáu de mou que los cambeos insignificantes na imaxe de la cámara, por exemplu, los causaos por un balancéu, la puesta de sol o un inseutu na cámara, nun se consideren cambeos y inórense. Nesti casu nun se faen imáxenes.

Unviu per corréu electrónicu

Nel mou de deteición de movimientu ta disponible la opción d'unviu per corréu. Nesti mou, el programa unvia les semeyes feches a la direición de corréu electrónicu indicada. Poro, hai qu'indicar la direición de la cuenta de corréu a la que s'unvien les semeyes feches. Los correos unvíense namái si les cámares detectaron cambeos. Pue indicase l'intervalu mínimu de tiempu ente unvios de correos. La cantidá de correos unviaos pue llimitase.

Copia de les semeyes feches

Si se detecta movimientu, el programa guarda automáticamente les semeyes feches. Estes semeyes puen copiase al cartafueyu o pasase a otru programa. Nel sistema operativu Windows ye posible copiar les imáxenes a la carpeta qu'indique l'usuariu.

Descarga per FTP

Pue xubir les semeyes automáticamente a un sirvidor, indicando los datos del sirvidor FTP. Esta opción pue ser interesante pa los usuarios que quieran ver les semeyes na so páxina d'Internet.

Opciones adicionales

Nel mou de deteición de movimientu ta disponible l'avisu sonoru, y tamién ye posible definir l'intervalu de tiempu nel que'l mou de deteición de movimientu ta activu.

Casu d'usu

Esti programa ye una gran solución si quier vixilar el so pisu, casa u oficina ensin usar equipos caros. Namái precisa una cámara USB cenciella y un ordenador. El programa permite'l funcionamientu simultaniu de delles cámares, que puen coneutase direutamente al ordenador. Pue usar alargadores USB p'optimizar el sistema de vixilancia (hai cables d.hasta 25m con amplificación d'enerxía). L'usu de distribuidores USB pue aumentar el númberu de puertos USB disponibles pa les cámares.