Temia

Captures de pantalla

La finalidá del programa

El programa ta diseñáu principalmente p'axentes inmobiliarios y otros especialistes que trabayen nel sector inmobiliariu. El programa va facilitar les operaciones rutinaries del rexistru d'inmuebles en venta o n'alquiler, de les solicitúes recibíes y de la base de datos de clientes.

Rexistru d'inmuebles

El programa permite amestar fácilmente inmuebles nuevos. Cada inmueble pue clasificase nuna categoría. El programa inclúi yá categoríes estándar, como pisu, casa o garaxe. Pue camudar o completar esta llista. Amás de la categoría, pue guardar cualquier otra triba de datos de los inmuebles, incluyendo imáxenes.

Rexistru de solicitúes

Amás del rexistru d'inmuebles, pue llevar el rexistru de les solicitúes recibíes per teléfonu, corréu electrónicu o otros canales. Cada solicitú inclúi información sobre quién amosó interés nun inmueble y cuándo. Na llingüeta del inmueble pue revisar toles solicitúes rellacionaes con esi inmueble.

Otra función práctica del programa ye la opción de rexistrar cada visita al inmueble per parte de compradores o inquilinos potenciales. El programa inclúi un calendariu gráficu onde pue amestar toles visites, indicando tolos datos necesarios. Cada visita pue tener un estáu determináu y (según esi estáu) marcase con colores distintos. Tanto los colores del calendariu como los estaos posibles pue definilos vusté mesmu. Na llingüeta del inmueble pue revisar toles visites rellacionaes con esi inmueble.

Rexistru de clientes

Al llevar el rexistru de los sos clientes pue indicar cualquier triba de datos rellacionaos con ellos: asignayos un rol concretu (comprador, vendedor, arrendador, inquilín), indicar los sos datos de contactu, amestar documentos escaneaos, introducir campos nuevos, etc.

Na llingüeta «Solicitúes de busca» pue amestar los criterios necesarios de los inmuebles que busquen los sos clientes. Ellí tamién pue comprobar les solicitúes de busca de los sos clientes rellacionaes colos sos inmuebles.