Temia

Captures de pantalla

Cree factures nun momentu

Col programa «Creador de factures», la llucha col formatu monótonu queda nel pasáu. Use simplemente los nuesos documentos yá formateaos y amieste namái'l destinatariu y les llinies de la factura. ¡Pa toles demás factures pue inclusive aprovechar estos datos: un aforru de tiempu real que val la pena!

Crear y convertir documentos

El nuesu programa nun-y ufre namái factures yá formateaes, sinón tamién plantíes pa presupuestos, confirmaciones de pidíu, órdenes de compra, cartes comerciales, notes y albaranes. Cree'l so propiu documentu y conviértalu en factura con namái unos clics. Tolos documentos puen tamién duplicase o usase como plantíes.

Xestión de clientes: segura y cenciella

¡Asina, xestionar los sos clientes va ser facilísimo! Tola información introducida una vegada guárdase nel sistema y pue recuperase y usase de nueves fácilmente. Pue usar toles posibilidaes de la xestión automatizada de datos y beneficiase de los nuesos altos estándares de seguridá.

¡Aniciu fácil!

El nuesu xestor d'instalación ayúda-y a instalar el software y el nuesu asistente ayúda-y a facer la configuración predeterminada. ¡Lo dixital nun tien por qué ser siempres complicao!

El so «Creador de factures», les sos necesidaes

«Creador de factures» va sofita-y en tolos ámbitos de la facturación. Guarde delles direiciones, frases, métodos de pagu, pies de páxina y llinies de factura, y escueya cada vegada los componentes que precise. Los que más s'escueyen guárdense automáticamente como estándar: ¡asina aforra un tiempu valiosu y sigue siendo flexible!

¡Faiga les coses a la so manera!

El nuesu programa da-y, inclusive con conocimientos mínimos d'HTML, la posibilidá de crear les sos propies plantíes de factura ya integrales nel programa. Y inclusive ensin conocimientos informáticos pue facer realidá les sos propies idees: l'equipu de «Creador de factures» ufre un serviciu de pagu.

Unviar factures

Unvie la so factura acabada direutamente dende'l programa per corréu electrónicu.

Importación de factures

La nuesa función d'importación permite-y integrar en «Creador de factures» factures yá esistentes d'Excel y xuntar toles factures d'una tabla nun únicu documentu PDF con namái unos clics.

Tenga controlaes les sos finances

¡Yá nun tien que tener mieu a Facienda! «Creador de factures» va ayuda-y a llevar una contabilidá segura y precisa.

Serviciu d'anovamientu en llinia

El so «Creador de factures» instaláu busca regularmente anovamientos en invoice-create.com. Si los hai, puen instalase fácilmente de forma automática o manual. Asina, vusté y el so software van tar siempres al día.

Contactu y opiniones

Con «Creador de factures» queremos encargános de parte del so trabayu diariu. Si tien entrugues o problemes col software, pue atopar rempuestes nel nuesu foru. Esti foru creóse pa los nuesos usuarios y tien munches discusiones interesantes que van ayuda-y a usar el nuesu productu nel futuru.

Lo primero: la seguridá de los sos datos

La seguridá de los sos datos tien pa nós la máxima prioridá. Tolos datos guárdense llocalmente nel soporte del usuariu, ensin posibilidá d'accesu pa terceros. Amás, la versión en llinia del nuesu programa ye dafechu segura: el cifráu de datos faise según los estándares de calidá más altos.