Temia

Šearbmagovat

Geavaheapmi

Prográmma fállá dutnje álkis vuogi hálddašit iežat girjjiid, CD:id ja eará diŋggaid. Du diŋggaid sáhttá ovttaskas láhkái bidjat kategoriijii ja vuollekategoriijii. Leat juo ovddalgihtii mearriduvvon kategoriijat, ja sáhtát maiddái lasihit iežat kategoriijaid. Juohke diŋgii sáhtát čállit máŋga iešvuođa, nugo: lágádus, ISBN-koda girjái dahje formáhtta ja guhkkodat CD:i. Dasa lassin sáhtát ieš mearridit háliidan iešvuođaid. Prográmmain sáhttá silget hálddašuvvon diŋggaid čállojuvvon árvvuid mielde. Juohke diŋggas sáhttet maiddái leat ráddjekeahtes ollu govat.

Máŋggadimenšuvnnalaš vurken

Prográmma eará ávkkálaš doaibma lea ”hildduid” hálddašeapmi. Juohke diŋgga sáhttá bidjat dihto vissui, lanjas, boksii ja nu ain. Nu oaččut ollislaš bajilgova gos hálddašuvvon diŋggat gávdnojit.

Ovttaskas iešvuođat

Dasa lassin diŋgga sáhttá čatnat máŋga olbmui geain lea dihto ”rolla”. Rolla mearkkaša dán oktavuođas omd. čálli, CD:a váldolávlu dahje geavaheaddjidieđut. Dasa lassin juohke olbmui sáhttá lasihit dárkilis čilgehusa, nugo nama, riegádanbeaivvi ja govaid.

Importeren eará prográmmain

Diŋggaid manuála čállima lassin prográmmas lea importerendoaibma, mainna sáhttá importeret máŋga diŋgga CSV-formáhtas, omd. eará prográmmaid gávdnon čoakkáldagain.

Dáhtasihkarvuohta

Buot prográmma dieđut vurkejuvvojit báikkálaččat dihtorii ja daid sáhttá sihkkarastit eará báikái (sihkkarastinkopiija várás dahje sirdin dihte daid eará dihtorii). Dán várás prográmmas lea sihkkarastindoaibma, mii automáhtalaččat jeavddalaš gaskkaid fállá geavaheaddjái sihkkarastit dieđuid.

Ovttaskas heiveheapmi

Buot lágan prográmma tabeallaid sáhttá ovttaskas láhkái heivehit. Geavaheaddji mearrida makkár čuolddat čájehuvvojit, govdodaga, sorterenvuogi ja silgeneavttuid (ohcaneavttuid) mat galget geavahuvvot.

Ollislaš bajilgovva

Makkár fal diŋgalisttuid sáhttá čálihit, eksporteret teakstafiilii dahje vurket PDF-formáhttii. Prográmmain sáhtát hálddašit diŋggaid mat leat luoikkahuvvon olbmui oktavuođalisttus. Prográmmain sáhtát maiddái mearridit oktavuođaolbmuid iešvuođaid, omd. čujuhusa, govaid ja geavaheaddjidieđuid. Nu prográmma addá ollislaš bajilgova luoikkahuvvon diŋggain ja goas dat galget máhcahuvvot.

Álki geavahit

Prográmma lávgos lea hui álki, nu ahte prográmma sáhttá geavahit dihtormáhtu haga. Das lea maiddái doaibma árvvoštallat prográmma, mii veahkeha buoridit doaimmaid boahtte veršuvnnaide. Prográmma lávgos lea ollásit hábmejuvvon álkis geavaheapmái. Máŋgga prográmmalásis lea doaibma árvvuid álkiduvvon čállima várás, nu ahte oktii čállojuvvon diehtu vurkejuvvo árvolisttuide ja dan sáhttá válljet boahtte čállimiidda. Dainna seastá hui ollu čállima.

Juste dat maid dárbbašat!

Prográmma ”Girjjiid, CD:id ja eará čoakkáldagaid registreren” addá buori doarjaga makkár fal čoakkáldaga arkiverema várás, ja lea du buorre veahkki, ja maiddái heivvolaš skeaŋka fulkkiide ja ustibiidda.