Temia

Šearbmagovat

Prográmma ulbmil

Prográmma ”Bargoohcanveahkki” lea dutnje oskkáldas veahkki bargoohcama áigge. Dainna sáhtát beaktilit čuovvut bargoohcamiid ja CV:id maid leat sáddén bargoaddiide, doallat bargoaddiid listtu ja maiddái johtilit ja álkit ráhkadit iežat profiilla sáddet vejolaš bargoaddiide.

Prográmmain bargat ii leat dutnje váttis. Álggus dárbbašat dušše lasihit ođđa bargoohcama, ja merket dieđuid virggi, bargoaddi ja oktavuođaolbmo birra. Go lasihat bargoohcama, de merkejuvvon bargoaddi lasihuvvo automáhtalaččat prográmma bargoaddelistui. Maŋŋá, go sáddet bargoohcama seamma bargoaddi eará virgái, de sáhtát dušše válljet su listtus.

Sáhtát maiddái lasihit makkár fal dieđuid bargoohcamii, omd. stáhtusa, dahje merket virggi vuoruheami vihtta čuoggá skálás. Prográmmain sáhtát ohcat bargguid buot čállojuvvon dieđuid mielde. Sáhtát maiddái lasihit dokumeanttaid makkár fal formáhtas.

Bargoohcama stáhtus

Juohke bargoohcamis lea stáhtus mii lea čatnon ivdnái. Sáhtát ráhkadit iežat stáhtusiid ja addit daidda iežat ivnni.

Stáhtus mii lea merkejuvvon álgostáhtusin geavahuvvo go lasihat ođđa CV:a. Go rievdadat stáhtusa, de merke lasihuvvo automáhtalaččat, nu ahte álo sáhtát čuovvut stáhtusrievdadusaid beaivemeriid.

Bargobihtát

Prográmmii sáhtát lasihit bargobihtáid, mat leat muittuhusat boahttevaš áššiin. Juohke bargobihtá sáhttá čatnat bargoohcamii. Dahkkon bargobihtáid sáhttá merket ”dahkkon”.

Profiila ja ohcanreive

Prográmmas sáhtát ráhkadit iežat profiilla ja ohcanreive bargoaddái.

Prográmma ráhkada du profiilla automáhtalaččat deavdojuvvon gieddeid mielde oahppobáikki, barggu, lassemáhtu, gelbbolašvuođaid jna. birra.

Dasa lassin sáhtát lasihit ohcanreivviid málliid prográmmii. Málliide leat dihto parámeterat maid sáhttá heivehit dušše merkedettiin parámetera árvvu # mearkkaid gaskii. Dalle lea doarvái lasihit dárbbašlaš parámeteraárvvuid ja reive ráhkaduvvo.

Profiilla ja ohcanreive sáhttá čálihit dahje vurket PDF-formáhttii viidáset geavaheapmái.

Lassedoaimmat

Prográmmas lea ollislaš statistihkka bargoohcamiid ja sierralágan eavttuid birra. Buot tabeallaid prográmmas heiveha geavaheaddji ieš. Dieđuid sáhttá čálihit, vurket PDF-formáhttii ja eksporteret CSV-formáhttii.