Temia

Šearbmagovat

Geavaheapmi

Prográmmain sáhttá organiseret sierralágan bargobihtáid hálddašeami. Bargit sáhttet ráhkadit bargobihtáid ja sáddet daid eará bargiide gieđahallamii. Dasa lassin sáhttá lasihit mearkkašumiid ja rievdadit bargobihtáid stáhtusa.

Bargu bargobihtáiguin

Sáhtát dasa lassin mearridit áššehasa juohke bargobihttái. Áššehasat vurkejuvvojit sierra listui. Go válljet ovtta áššehasa listtus, de prográmma čájeha buot bargobihtáid main válljejuvvon áššehas lea mearriduvvon.

Juohke bargobihtá sáhttá kategoriseret - sáhttá leat kategoriija ja vuollekategoriija. Prográmma geavaheaddjit ieža sáhttet nuppástuvvi láhkái mearridit kategoriijaid ja vuollekategoriijaid.

Prográmma lassedoaimmat

Prográmmain sáhtát lasihit lasseiešvuođaid kategoriija ja vuollekategoriija válljema mielde, mii dahká dan hui nuppástuvvin geavahit. Ovdamearkka dihte go ráhkadat ja válljet prográmma heivehusain ođđa bargobihttokategoriija ”biilladivvun”, de sáhtát lasihit lasseiešvuođa ”mohtorašládja”, mearridit iešvuođa šlája ”listu” ja lasihit listui guokte árvvu ”diesel” ja ”bensiidna”. Čájehuvvon lasseiešvuođaid listu lea guorus go lasihat ođđa bargobihtá; go válljet kategoriija ”biilladivvun”, de lassegieddi ”mohtorašládja” ihtá automáhtalaččat guoktin molssaeavttuin maid sáhttá válljet.

Tabeallaid geavaheapmi

Buot prográmma tabeallaid sáhttá geavaheaddji álkit heivehit - sáhtát mearridit makkár čuolddat čájehuvvojit, daid ortnega, govdodaga, ja maiddái válljet mo tabealla sisdoallu sorterejuvvo.

Buot tabeallaid sáhttá eksporteret CSV-formáhttii, čálihit dahje vurket PDF-fiilan.

Máŋggageavaheaddji prinsihppa

Dát prográmma doarju geavaheddjiid identifiserema. Juohke prográmmageavaheaddjis lea iežas geavaheaddjinamma ja beassansátni. Prográmma loggida automáhtalaččat buot dáhtarievdadusaid. Prográmmain sáhtát čuovvut guhte geavaheaddji lea lasihan dahje rievdadan dieđuid. Rievdadusaid beaivemearri ja áigi loggejuvvo, ja maiddái ollislaš dieđut das maid lea rievdaduvvon.

Prográmma sáhttá bargat sihke báikkálaš diehtovuđuin ja MySql-guovddášdiehtovuđuin. Maŋit dáhpáhusas máŋga geavaheaddji sáhttet bargat prográmmain seammás. Go okta geavaheaddji rievdada ovtta objeavtta, de dat lea earáide oidnosis dušše lohkanmoduson.

Prográmma buorideapmi du dárbbuid mielde

Prográmma bargá Temia Business Template (Java) vuođul, mii lea ovddiduvvon komponeanta mii sihkkarastá prográmma luohtehahtti doaimma, ja mainna maiddái sáhttá johtilit heivehit prográmma geavaheddjiid dárbbuide stuorra goluid haga. Jus válddát oktavuođa minguin, de mii mielas addit dutnje meroštallama prográmma buorideamis du dárbbuid mielde.