Temia

Šearbmagovat

Geavaheapmi

Prográmma lea oaivvilduvvon girjerádjosa registreremii. Dan sáhttá geavahit makkár fal diŋggaide, nugo girjjiide, CD:ide, ruđaide, poastamearkkaide jna. Diŋgga šlája (girji, ruhta jna.) sáhttá geavaheaddji ieš mearridit.

Bargu čoakkáldatdiŋggaiguin

Diŋgga šlája mielde sáhttá lasihit sierralágan dieđuid dan birra. Juohke diŋgii sáhttá addit kategoriija ja vuollekategoriija (maid geavaheaddji ieš sáhttá mearridit). Jus diŋggas lea čálli, de geavaheaddji sáhttá dan merket. Go de rahpá čálliid gilkora ja vállje ovtta sis, de geavaheaddjái čájehuvvo listu diŋggain main lea dát čálli. Čálli lassin sáhtát lasihit eará olbmuid ja merket sin rollaid diŋgga ektui. Geavaheaddji sáhttá mearridit vejolaš rollaid listtu. Seammá láhkái buot diŋggaid mat gullet dihto olbmui sáhttá čájehit sierra listtus.

Oppalaš dieđuid lassin prográmmain sáhttá vurket máŋga diŋggaid iešvuođa, omd. ISBN, lágádusa, sturrodagaid, formáhtaid, márkanastindieđuid, ja das leat lassegieddeat.

Luoikan

Prográmmain geavaheaddjit sáhttet čuovvut ”luoikkahuvvon” diŋggaid. Dán várás geavaheaddjit galget doallat áššehaslisttu, ja merket luoikkahuvvon diŋgga stáhtusa, luoikama beaivemeriid ja diŋgga plánejuvvon ja duohta máhcahanbeaivvi.

Du diŋggaid vurkenbáikkiid registreren

Prográmmain sáhtát maiddái vurket diŋggaid dihto báikkiin, nugo viesus, lanjas, kápmagis ja hildus. Go geavaheaddji lea válljen ovtta báikki, de son oaidná listtu buot diŋggain mat leat vurkejuvvon dán báikái.

Tabeallaid geavaheapmi

Buot prográmma tabeallaid sáhttá geavaheaddji álkit heivehit - sáhtát mearridit makkár čuolddat čájehuvvojit, daid ortnega, govdodaga, ja maiddái válljet mo tabealla sisdoallu sorterejuvvo.

Buot tabeallaid sáhttá eksporteret CSV-formáhttii, čálihit dahje vurket PDF-fiilan.

Máŋggageavaheaddji prinsihppa

Dát prográmma doarju geavaheddjiid identifiserema. Juohke prográmmageavaheaddjis lea iežas geavaheaddjinamma ja beassansátni. Prográmma loggida automáhtalaččat buot dáhtarievdadusaid. Prográmmain sáhtát čuovvut guhte geavaheaddji lea lasihan dahje rievdadan dieđuid. Rievdadusaid beaivemearri ja áigi loggejuvvo, ja maiddái ollislaš dieđut das maid lea rievdaduvvon.

Prográmma sáhttá bargat sihke báikkálaš diehtovuđuin ja MySql-guovddášdiehtovuđuin. Maŋit dáhpáhusas máŋga geavaheaddji sáhttet bargat prográmmain seammás. Go okta geavaheaddji rievdada ovtta objeavtta, de dat lea earáide oidnosis dušše lohkanmoduson.

Prográmma buorideapmi du dárbbuid mielde

Prográmma bargá Temia Business Template (Java) vuođul, mii lea ovddiduvvon komponeanta mii sihkkarastá prográmma luohtehahtti doaimma, ja mainna maiddái sáhttá johtilit heivehit prográmma geavaheddjiid dárbbuide stuorra goluid haga. Jus válddát oktavuođa minguin, de mii mielas addit dutnje meroštallama prográmma buorideamis du dárbbuid mielde.