Temia

Imagines scrinii

Propositum programmatis

Programma praecipue destinatum est proxenetis bonorum immobilium aliisque peritis, qui cum bonis immobilibus operantur. Programma operationes cotidianas faciliores reddet in actis negotiorum bonorum immobilium vendendorum aut locandorum, petitionum advenientium necnon basis datorum clientium.

Acta bonorum immobilium

Programma permittit, ut nova bona immobilia facile addantur. Quodque bonum in categoriam distribui potest. Programma iam categorias ordinarias continet, ut diaetam, domum, autocinetorum receptaculum. Hunc indicem mutare aut complere potes. Praeter categoriam quodlibet aliud genus datorum de bonis immobilibus conservare potes, imaginibus inclusis.

Acta petitionum

Praeter acta bonorum immobilium etiam acta petitionum per telephonum, litteras electronicas aliasve vias missarum servare potes. Quaeque petitio informationes continet, quis et quando studium erga bonum ostenderit. In tabula boni omnes petitiones ad hoc bonum immobile pertinentes inspicere potes.

Alia functio programmatis commoda est optio actorum cuiusque visitationis boni immobilis ab emptoribus aut conductoribus futuris servandorum. Programma calendarium graphicum continet, ubi omnes visitationes addere potes, omnia data necessaria statuens. Quaeque visitatio certum statum habere et (hoc statu nixa) variis coloribus notari potest. Colores calendarii necnon status possibiles ipse statuere potes. In tabula boni omnes visitationes ad hoc bonum immobile pertinentes inspicere potes.

Acta clientium

Acta clientium tuorum servans quodlibet genus datorum possibilium ad eos pertinentium statuere potes – eis certam partem attribuere (emptorem, venditorem, locatorem, conductorem), data eorum contactus indicare, documenta per scanner lecta addere, novos campos inducere etc.

In tabula «Petitiones inquisitionis» criteria necessaria bonorum immobilium a clientibus tuis quaesitorum addere potes. Ibi etiam petitiones inquisitionis clientium tuorum ad bona tua pertinentes examinare potes.