Temia

Screnate

Applicazione

E funzioni principale di u prugramma «Rilevazione di muvimentu» sò a rilevazione è a registrazione di u muvimentu di l’ogetti davanti à a camera.

Per principià à travaglià cù u prugramma «Rilevazione di muvimentu», ci vole à cunnette e vostre camere USB à l’urdinatore è aghjunghje le à u prugramma cù un solu clic di topu. À u lanciu di u prugramma, tutte e camere aghjunte è cunnesse seranu accese autumaticamente.

Dopu, ci vole à selezziunà una camera è attivà u modu di rilevazione di muvimentu. In stu modu, u prugramma rileva u muvimentu di l’ogetti. E foto seranu fatte autumaticamente. L’algoritmu di u prugramma hè ottimizatu di manera chì i cambiamenti insignificanti di l’imagine di a camera, per esempiu quelli causati da un dondulamentu, da u tramontu o da un insettu nant’à a camera, ùn sò micca cunsiderati cum’è cambiamenti è sò ignurati. In stu casu ùn hè fatta nisuna imagine.

Mandata per e-mail

In u modu di rilevazione di muvimentu, l’opzione di mandata per e-mail hè dispunibule. In stu modu, u prugramma manda e foto fatte à l’e-mail indicata. Ci vole dunque à indicà l’indirizzu di u contu e-mail per mandà e foto fatte. L’e-mail sò mandate solu s’è e camere anu rilevatu cambiamenti. Si pò indicà l’intervallu minimu di tempu trà duie mandate d’e-mail. U numeru d’e-mail mandate pò esse limitatu.

Copia di e foto fatte

S’è u muvimentu hè rilevatu, u prugramma arregistra autumaticamente e foto fatte. Ste foto ponu esse cupiate in u preme-carte o trasferite in un altru prugramma. In u sistema d’operazione Windows, si ponu cupià e foto in u cartulare indicatu da l’utilizatore.

Trasferimentu per FTP

Pudete caricà e foto autumaticamente nant’à un servitore, indichendu i dati di u servitore FTP. St’opzione pò interessà l’utilizatori chì volenu fighjà e foto nant’à a so pagina web in Internet.

Opzioni supplementarie

In u modu di rilevazione di muvimentu, a nutificazione sunora hè dispunibule, è si pò ancu definisce l’intervallu di tempu durante u quale u modu di rilevazione di muvimentu hè attivu.

Casu d’usu

Stu prugramma hè una suluzione eccellente s’è vo vulete surveglià u vostru appartamentu, a vostra casa o u vostru uffiziu senza aduprà apparechji cari. Vi ci vole solu una camera USB simplice è un urdinatore. U prugramma supporta u funziunamentu simultaneu di parechje camere, chì ponu esse cunnesse direttamente à l’urdinatore. Pudete aduprà prulunghe USB per ottimizà u sistema di surveglianza (sò dispunibuli cavi finu à 25m cù amplificazione). L’usu di spartitori USB pò aumentà u numeru di porte USB dispunibule per e vostre camere.