Temia

Screnate

U scopu di u prugramma

U prugramma hè cuncipitu soprattuttu per l’agenti immubiliarii è l’altri specialisti chì travaglianu in l’immubiliare. U prugramma facilitarà l’operazioni d’ogni ghjornu di gestione di i beni immubiliarii in vendita o in affittu, di e dumande ricevute è dinò di a basa di dati di i clienti.

Registru di i beni immubiliarii

U prugramma permette d’aghjunghje faciule novi beni immubiliarii. Ogni bene pò esse classificatu in categurie. U prugramma include digià categurie standard, cum’è un appartamentu, una casa, un garage. Pudete cambià o cumplettà sta lista. Oltre à a categuria, pudete arregistrà ogni altru tipu di dati nant’à i beni immubiliarii, ritratti cumpresi.

Registru di e dumande

Oltre à u registru di i beni immubiliarii, pudete tene u registru di e dumande ricevute per telefonu, e-mail o altri canali. Ogni dumanda cuntene l’infurmazioni nant’à quale hà manifestatu u so interessu per un bene è quandu. In a tabulazione di u bene, pudete cunsultà tutte e dumande ligate à stu bene immubiliare.

Un’altra funzione pratica di u prugramma hè a pussibilità di tene u registru di ogni visita di u bene immubiliare da parte di cumpratori o d’affittatarii putenziali. U prugramma include un calendariu graficu induve pudete aghjunghje tutte e visite, cù tutti i dati necessarii. Ogni visita pò avè un statu precisu è (secondu stu statu) esse marcata cù culori sfarenti. I culori di u calendariu è i stati pussibuli i pudete definisce voi stessi. In a tabulazione di u bene, pudete cunsultà tutte e visite ligate à stu bene immubiliare.

Registru di i clienti

Tenendu u registru di i vostri clienti, pudete definisce ogni tipu di dati pussibuli nant’à elli – attribuisce li un rolu precisu (cumpratore, vinditore, pruprietariu, affittatariu), specificà i so dati di cuntattu, aghjunghje ducumenti scannati, intruduce novi campi, ecc.

In a tabulazione «Dumande di ricerca», pudete aghjunghje i criterii necessarii di i beni immubiliarii circati da i vostri clienti. Quallà pudete ancu verificà e dumande di ricerca di i vostri clienti ligate à i vostri beni.