Temia

კომპიუტერის ეკრანის სურათები

ტელეფონის ეკრანის სურათები

გამოყენება

პროგრამა „საქონლის გაქირავების სისტემა“ საშუალებას გაძლევთ გაამარტივოთ და დააჩქაროთ გაქირავების პროცესი. პროგრამა განკუთვნილია ნებისმიერი საქონლის გაქირავების პროცესის აღრიცხვისთვის: სპეციალური აღჭურვილობა, სამუშაო აღჭურვილობა, სატრანსპორტო საშუალებები – ავტომობილებიდან თხილამურებამდე, ავეჯი, ტანსაცმელი, მუსიკალური ინსტრუმენტები, სხვადასხვა საყოფაცხოვრებო ნივთი და ა.შ.

პროგრამის მარტივი გამოყენება

მარტივი, მოსახერხებელი და თვალსაჩინო დიზაინის წყალობით, ნებისმიერი დონის მომხმარებელს შეუძლია მისი უპრობლემოდ გამოყენება. პროგრამა ასევე გთავაზობთ გასაქირავებლად ხელმისაწვდომი ნივთების სტატუსის ფერად ვიზუალურ ჩვენებას. მას აქვს ჯავშნების გრაფიკული ხედის ფუნქცია, რომელიც გეხმარებათ დაინახოთ, როდის და რა ნივთი დაიჯავშნა, დაბრუნდა ან არ იქნა გადახდილი. ასევე შეგიძლიათ ჯავშნები ცხრილის სახით დაათვალიეროთ. პროგრამაში ნაჩვენებია ამა თუ იმ ნივთის ტექნიკური მდგომარეობა.

პროგრამა გთავაზობთ ნივთების სტატუსის (გაცემული, დაბრუნებული და ა.შ.) შეცვლისა და საქონლის დაჯავშნის მოსახერხებელ რეჟიმს. მას აქვს ნივთის ან კლიენტის სწრაფი ძებნის ფუნქცია.

პერსონალური დოკუმენტები და ანგარიშები

პროგრამაში შეგიძლიათ შექმნათ თქვენი პერსონალური დოკუმენტები. ამასთან, დოკუმენტის გაფორმება მომხმარებელს სრულად შეუძლია განსაზღვროს, ასევე შეგიძლიათ გამოიყენოთ ხელმისაწვდომი მზა შაბლონები. აღსანიშნავია, რომ პროგრამა სათაურით, ლოგოთი და სხვა პერსონალური ელემენტებით ანგარიშების შექმნისა და მორგების მარტივ გზას იყენებს. ანგარიშის შექმნისას შეგიძლიათ აირჩიოთ გაქირავების საფასური. გასაქირავებლად ხელმისაწვდომი ნივთების გარდა, ანგარიშში შეგიძლიათ დამატებითი პოზიციებიც დაამატოთ. ანგარიშებში გათვალისწინებულია დღგ-ის რამდენიმე განაკვეთი. თქვენი მოხერხებულობისთვის არსებობს პროგრამის ასისტენტი, რომელიც დაგეხმარებათ ანგარიშისთვის სწორი პარამეტრების არჩევასა და დღგ-ის ნაგულისხმევი განაკვეთის დაყენებაში.

საქონლის იმპორტი

გასაქირავებელი ნივთი მომხმარებელს შეუძლია ხელით დაამატოს, ასევე სხვა პროგრამებიდან იმპორტით შემოიტანოს. ნივთს შეიძლება მიენიჭოს კონკრეტული კატეგორია, ხოლო კატეგორიების სიას თავად მომხმარებელი განსაზღვრავს. ნივთს შეიძლება ჰქონდეს აღწერის შეუზღუდავი რაოდენობის სტრიქონი, ფოტოები, ასევე ფასის კატეგორია.

კლიენტების მონაცემთა ბაზა

კლიენტებთან მუშაობისას გაქვთ მონაცემების შენახვის ფუნქცია, რომელიც გეხმარებათ შეინახოთ კლიენტების საკონტაქტო ინფორმაცია, მათი ფოტოები და ისტორია.

გაქირავების პერიოდი

ეს პროგრამა საშუალებას გაძლევთ განსაზღვროთ გაქირავების ნებისმიერი პერიოდი: საათი, დღე, კვირა. შესაძლებელია ერთი დღის საათების მიხედვით, ხოლო რამდენიმედღიანი პერიოდის ცალკეული დღეების მიხედვით დათვალიერება.

მომხმარებელს შეუძლია ფასის კატეგორიის განსაზღვრა. თითოეული ფასის კატეგორიისთვის შეგიძლიათ დააწესოთ გაქირავების ფასი საათში, დღეში და კვირაში.

მომხმარებლის შენიშვნები

პროგრამაში არის სპეციალური ველი, სადაც შეგიძლიათ აღწეროთ ნივთების გაქირავებასთან დაკავშირებული დეტალები. მაგალითად, ნებისმიერი ნივთის დეპოზიტი, გაუმართაობის, დაზიანებების არსებობა და ა.შ.

მონაცემებს არ დაკარგავთ

ყველა მონაცემის დასაცავად პროგრამაში ხელმისაწვდომია სარეზერვო ასლის ფუნქცია. ეს ფუნქცია პერიოდულად, ავტომატურ რეჟიმში გთავაზობთ მონაცემების შენახვას.

ამ ფუნქციის გარდა, პროგრამა საშუალებას გაძლევთ ყველა სიის ექსპორტი გააკეთოთ CVS ფორმატში, დაბეჭდოთ ან შეინახოთ PDF ფორმატში.